Subscribe:

Ads 468x60px

17 ديسمبر، 2009

مجرمو الحرب صاروا (أصدقاءنا)

صحيفة الشروق الجديد المصريه الخميس 30 ذو الحجة 1430 – 17 ديسمبر 2009
مجرمو الحرب صاروا (أصدقاءنا) - فهمي هويدي
http://fahmyhoweidy.blogspot.com/2009/12/blog-post_17.html


قارئ الصحف المصرية ربما لاحظ أنها أبرزت على صفحاتها الأولى يوم الثلاثاء الماضى (15/12) خبر الأمر القضائى الذى صدر فى إنجلترا بالقبض على وزيرة الخارجية الإسرائيلية السابقة تسيبى ليفنى بتهمة ارتكابها جرائم حرب، باعتبار أنها من المسئولين عن العدوان الإسرائيلى على قطاع غزة.
وكانت وكالات الأنباء قد ذكرت أن محكمة ابتدائية بريطانية أصدرت هذا الأمر، بعدما تقدم محامون بريطانيون بالتعاون مع جهات حقوقية فلسطينية بطلب اعتقال السيدة ليفنى ومحاكمتها كمجرمة حرب، مستندين فى ذلك إلى ما أثبته تقرير «جولدستون» من جرائم ارتكبتها القوات الإسرائىلية أثناء عدوانها على غزة.
كانت زعيمة حزب «كاديما» قد وصلت إلى لندن لإلقاء كلمة فى مؤتمر لإحدى المنظمات اليهودية، لكنها اختفت بعد ذلك. وقالت الوكالة إن قوة من الشرطة البريطانية تبحث عنها بجدية، وأن عددا من رجال الشرطة توجهوا إلى مكان انعقاد المؤتمر لاعتقالها. كما تمركز عدد منهم عند مدخل مبنى السفارة الإسرائيلية بلندن وفى المطارات خشية تهريبها إلى الخارج.
وبدا من الإجراءات المتخذة أن الحكومة البريطانية أصبحت فى موقف محرج سواء ألقت القبض عليها تنفيذا لأمر المحكمة، الأمر الذى سوف يسبب لها حرجا دبلوماسيا، أو إذا ما تسترت على عملية تهريبها إلى الخارج، لأنها فى هذه الحالة الأخيرة ستكون شريكة فى التغطية على ارتكاب قوات الاحتلال الإسرائيلى جرائم حرب يعاقب عليها القانون الدولى.
أغلب الظن أن الحكومة البريطانية ستحل الإشكال بصورة أو أخرى، لكن ما يهمنا فى القصة هو نجاح المحامين الإنجليز فى استصدار أمر من المحكمة بإلقاء القبض على السيدة ليفنى. وهو ما لا يستطيع المحامون العرب أن يقوموا به فى بلادهم «المتصالحة» مع إسرائيل أو تلك التى تقيم علاقات «عرفية» معها.
وللعلم فإن السيدة ليفنى قبل أن تذهب إلى لندن كانت فى زيارة للمغرب، وباستثناء الاحتجاجات التى نظمها فى الرباط بعض المؤيدين للحق الفلسطينى، فإنها قضت هناك ثلاثة أيام معززة مكرمة، كأى زائر برىء لم تتلطخ يده بالدم الفلسطينى. وما حدث فى المغرب متوقع فى أى دولة عربية أخرى من تلك التى حصلت على نيشان «الاعتدال»، لأنها تغض الطرف عادة عن مثل هذه الأمور.
وقد كان شمعون بيريز فى القاهرة قبل أسبوعين، واستقبله الرئيس حسنى مبارك، ولم يتحدث أحد عن مسئوليته عن جرائم الحرب التى وقعت فى غزة، وهو رئيس للدولة التى ارتكبت جرائم الحرب، بل إنه دافع عن ارتكاب تلك الجرائم علنا فى جلسة مؤتمر دافوس التى انسحب منها رئيس الوزراء التركى الطيب أردوغان.
هذا المشهد يستدعى السؤال التالى:
لماذا يتحرك مجرمو الحرب الإسرائيليون بحريتهم فى بعض العواصم العربية، فى حين تقلقهم بعض العواصم الغربية إلى الحد الذى يدفعهم إلى تجنبها أو الاختباء فيها؟..
ردى على ذلك من شقين،
الأول: إن السياسة عندنا فوق القانون، فى حين إنها عندهم تحت القانون.
والثانى: إن المجتمع الأهلى عندنا أضعف من أن يتحدى الهوى السياسى، والرأى العام ليس موضوعا فى الحسبان. فى حين أن المجتمع المدنى عندهم ند للسلطة التى لا تستطيع أن تتجاهل الرأى العام أو تتحداه.
السؤال موجع وباعث على الحزن على الأسى فى مصر بوجه أخص. ذلك أن جنرالات إسرائيل الذين قتلوا العشرات من الأسرى المصريين فى سنة 67، وأصبحوا بعد ذلك قادة سياسيين ووزراء فى الحكومات الإسرائيلية المتعاقبة.
هؤلاء أصبحوا زوارا دائمين للقاهرة بعد كامب ديفيد وأصدقاء لقادتها السياسيين، وهو ما بات يتفاخر به بنيامين بن اليعازر، أحد أشهر أولئك القتلة. الذى أصبح وزيرا فى حكومات إسرائيل المتعاقبة، ومنها الحكومة الحالية.
وكان القانون عندنا لا يحترم، والمجتمع المدنى أعجز من أن يقوم بما عليه. والرأى العام لا قيمة له، فذلك يقنعنا بأن إقامة الديمقراطية فى بلادنا، أصبحت ضمن شروط حل معضلة الصراع العربى الإسرائيلى.
..................

19 التعليقات:

إبتسامة ملاك يقول...

السلام عليكم

كووول سنه وحضرتك طيب بمناسبة العام الهجرى


ربنا يهدينا للخير يارب

وبشكرك من كل قلبى على ما تقدمة لنا من اخبار

تحياااااااااااااااااتى
ايناس

م/محمود فوزى يقول...

ايناس
كل سنه وانتى طيبه
يارب تكون سنه سعيده لكى ولاسرتك كلها

لا شكر على واجب
ربنا يسعدك ويوفقك دايما للخير

ريمان يقول...

السلام عليكم

كل سنه وحضرتك طيب وان شاء الله تكون سنه سعيده كلنا

وتكون احلى من اللى فاتت

امين يا رب


انا بجد بدعى على اسرائيل دى من كل قلبى

ربنا يورينا فيهم يوم اسود

حسبنا الله

شكرا لموضوع حضرتك

جزاكم الله خيرا


:)

م/محمود فوزى يقول...

ريمان
جزاكم الله خيرا على المتابعه المتواصله
كل سنه وانتى طيبه ويارب تكون سنه سعيده لكى وللامه كلها

اما الصهاينه فانا ادعو معكي ان ننتصر عليهم ونخرجهم من ارضنا
وما هو على الله بعزيز
والنصر لنا باذن الله - بلاشك
ولكن متى
الله اعلم
ربنا يسعدك ويكرمك دايما

واحدة مفروسة يقول...

و الله انا شايفة اننا احسن فى الموقف ده
اقولك ازاي بقا
صحيح احنا مش طلعنا حكم بانهم مجرمين حرب
و صحيح احنا بنسلم عليهم و بنجتمع معاهم فى كثير من اللقاءات
و صحيح.....و صحيح......
بس كل ده حفاظا على ماء وجهنا(قال يعنى)
تقدر تقولى كان حيبقا موقفنا ايه لو كنا طلعنا حكم زي اللى طلع كده فى انجلترا
و جت اسرائل بطريقتها و اسلوبها
و طالبت مننا اننا نغير القانون بتاعنا لأنه فيه ثغرات
و بكده احنا لا نصلح فى الاستمرار فى مباحثات السلام فى الشرق الاوسط

يالهوييييييييييييييييييي
ده احنا كانت تبقى فضيحتنا بجلاجل و صاجات و كانوا حيخلو نا لبانة فى بقهم اكتر من دلوقتى

لا لا لالا
احنا فى الموقف ده بالذات...ميه ميه
انجلترا بجلالة قدرها حتغير القانون علشان ام ليفة
ياحلولىىىىى
ده انا مفروسة فرسة من ساعة الخبر المشؤم دهو ده خلاني أقول ان اسرائيل ايدها بقت طايلة من اقصى اليمين لأقصى الشمال لأقصى الجنوب و أقصى الغرب

يعنى هيه دلوقتى بتحرك العالم كله زي عرائس الماريونت

مش ممكن بجد....مالهاش كبير خاااالص

بس ربنا أكبر من الكل و همه ناسيين الموضوع ده
سلام

mhmdwahab يقول...

( إلا تنصروه فقد نصره الله إذ أخرجه الذين كفروا ثاني اثنين إذ هما في الغار إذ يقول لصاحبه لا تحزن إن الله معنا فأنزل الله سكينته عليه وأيده بجنود لم تروها وجعل كلمة الذين كفروا السفلى وكلمة الله هي العليا والله عزيز حكيم ( 40 ) ) . كل عام وانتم بخير و جميع المسلمين

الشجرة الأم يقول...
أزال المؤلف هذا التعليق.
الشجرة الأم يقول...

كل سنة وانت طيب ..

وبكره راح تنقلب المائدة المستديرة عليهم إن شاء الله آمين.

بهلول الشرق يقول...

كل سنة وحضرتك طيييييييييييييييييب

أنا عارف مين أعدائي وأصدقاء أعدائي وإللي راح يسيروا أصدقاء أصدقاء أعدائي.

م/محمود فوزى يقول...

السلام عليكم
واحده مفروسه
جزاكم الله خيرا على المرور والتعليق

على فكره باه الموقف ده حصل لنا شبهه قبل كده او قريب منه
مثلا حكم بتاع الغاز وتصديره للصهاينه
حكم محكمه بمنع تصدير الغاز لهم
لكن حكومتنا اعترضت واستانفت الحكم والقضيه فى المحاكم من زماااااااااااااااان
وعلى فكره انا مش متوقع ان الصهاينه هايعترضوا على حكم بتاع الغاز
ليه باه
لانهم متوقعين ان الحكومه هاتتصرف
يعنى ممكن القضيه تعيش فى المحاكم لسنين طويله
او حتى ولو صدر حكم نهائى فالحكومه مش دايما بتنفذ الاحكام
يعنى مثلا فيه ناس فى السجن طالع لهم كذا حكم براءه ولسه مطلعوش
وجريده الشعب وحزب العمل واخدين 13 حكم انهم يشتغلوا

فحتى ولو صدر عندنا حكم زي بتاع انجلترا فمش هاتلاقى الشرطه بتدور عليها
فيه فرق بينا وبينهم
متخفيش ابدا احنا مش هايهددونا

كمان برضه بالنسبه للقوانين
احنا برضه اتصرفنا
يعنى مثلا توقيع اتفاقيه الكويز واتفاقيه تصدير الغاز
المفروض انهم يتعرضوا على مجلس الشعب
متعرضوش

بالنسبه للصهاينه فهم مش حكايه ايدهم طايله
هم منظمين وبينفذوا خططهم
وللاسف بيلاقوا اللى بيساعدهم عندنا
انما عندنا فيه ناس بتساعدهم ويهاجموا اللى بيعترض

وكمان يعنى هايقولوا للانجليز اذا كان فيه عرب ومسلمين عاملين معاهم علاقات زي الفل فايه اللى مزعلكم
ربنا يصلح الاحوال

م/محمود فوزى يقول...

محمد عبد الوهاب
جزاكم الله خيرا
كل سنه وانت طيب
وما النصر الا من عند الله
مهما عملوا فالنصر للمسلمين باذن الله

م/محمود فوزى يقول...

الشجره الام
جزاكم الله خيرا
وكل سنه وانتى طيبه
وستدور الايام وسينتصر المسلمون باذن الله ونستعيد الاقصى
ونتمنى ان يكون فى هذا الجيل

م/محمود فوزى يقول...

بهلول الشرق
جزاكم الله خيرا
وكل سنه وانت طيب
الاعداء معروفون ونتمنى ان يتراجع من يعاونوهم عن ذلك
ربنا يصلح الاحوال

مى يقول...

واحدة مفروسة
____________

ما هو موقف حكام عرب الإنبطاح أو عرب الإعتلال هو اللى بيعطى الدافع لإنجلترا أو غيرهاإنها تغير قوانينها الخاصة بمطاردة مجرمى الحرب .. و اللى فى الأساس أُقرت فى القانون البريطانى لمطاردة مجرمى الهولوكست "بزعمهم".


و موقف المعتلين برضة هو اللى إدى الدافع للصهيانة إنهم يقوموا بمجزرة غزة .. و كررها أولمرت عدة مرات أثناء المذبحة " إحنا بنقوم بحربنا بالتعاون و بمباركة الدول المعتلة فى المنطقة".


لسان حال بريطانيا و من على شاكلتها يقول :
إذا كان العرب المعنين بالأمر مش على بالهم و بيستقبلوا رؤوس الأفاعى من الصهاينة ... إحنا ياللى بعيد عن المواضيع نسبياً و مش أصحاب القضية حنبقى أحرص منهم على العدل فى هذا الموضوع .. غير القانون يا عم بلا وجع دماغ .

م/محمود فوزى يقول...

مي
جزاكم الله خيرا
كل سنه وانتى طيبه
صحيح فعلا
فيه دول عربيه بتعمل علاقات كويسه معاهم
وفيه اللى بيساعدهم بتعاون اقتصادي
وفيه اللى مش راضى يفتح المعبر بشكل طبيعي

طيب يبقى ازاى هايتشجع الناس التانيين على مساعدتنا
يعنى هايساعدونا غصب عننا

بس طبعا يعنى ده لا يمنع ان فيه ازدواجيه عندهم
يعنى فين الكلام عن الحريات وحقوق الانسان
فى اوربا يعملوا قوانين تعاقب من يشكك فى عدد من يقولوا انهم ماتوا فى اللى بيقولوا عليها المحرقه
فى حين انهم يغيروا القوانين حتى لا يعاقب مسئولون عن قتل 1500 شخص واصابه الالاف
حسبنا الله ونعم الوكيل

a يقول...

حكام العرب مسجونون عند إسرائيل فكيف تتوقع من السجين ان يحاكم سجانه؟

م/محمود فوزى يقول...

A
جزاكم الله خيرا على المرور
للاسف بعض الحكومات فى المنطقه تتعامل مع الكيان الصهيوني بكل ود وتعاون وكأن شيئا لا يحدث فى فلسطين
وان كنت اتحفظ على كلمه سجناء لدى الكيان الصهيوني
ربنا يصلح الاحوال

كريم يقول...

حرام عليك يا أستاذ فهمى وجعت قلبنا .. أيوة يا سيدى عا رفين ان كلامك كله صح وف الجون بس ماتجبش شطة وتحطها على الجرح اللى احنا أصلا مش قادرين نخيطه وبينزف من حوالى 30 سنة

م/محمود فوزى يقول...

كريم
جزاكم الله خيرا على المرور
يجب ان يزداد الوعى ويعرف الناس الحقائق فى مواجهه اعلام حكومي يتغاضى عن اخطاء الحكومه بل ويدافع عنها
ربنا يصلح الأحوال
ربنا يكرمك ويسعدك

Delete this element to display blogger navbar